يومك في رمضان شكله ايه ؟؟ خااص للبنات والسيدات

السلام عليكم
*
*
يومك في رمضان هتعملى أيه فيه ؟

أسمعينى بقى بتركيز يلا وقبل أى حاجة هاتى ورقة وقلم واكتبي ورايا

الجدول طبعا مش من صنع أيديا ولا حاجة

هو منقول من حد  

مش لازم من مين انتوا مالكم ^_^

المهم ان عايزاكم تحاولوا تنقلوا الجدول لاى حد تشفوه قدامكم 

عشان يكونو صادقة جارية ان شاء الله

ممكن الحد ده ما ينفذش في الجدول غير حاجة واحدة بس

لكن سبحان الله تكون في ميزان حسناتك

فبلاش نقصر في موضوع النشر يابنات 





 ... نبدأ الجدول بسم الله ...

هنبدأ اليوم من بليل لو سمحتوا معلش بعد اذنكم يعنى )


   


 ... من 11 ليلا إلى 1...  
نوم

ماننساش فيها اذكار النوم وآدابه

خاصة سبحان الله 33 – الحمد لله 33 – الله أكبر 34 
( بنية التقوى على العبادة لما نستيقظ .. لان كان فيه حدث للنبي صلى الله عليه وسلم بيقول للسيدة فاطمة ان هى لو قالت كده فاحسن لها من انها تجيب خادم .. )

(( وصدقا لو احتسبنا النية دى هنقوم فايقين جدا وعندنا قوة بإذن الله ))


   


 ... من 1 إلى 2.5 ...
صلاة التهجد

بعد ما نقوم من النوم ما ننساش نقول أذكار الاستيقاظ
وهنا بقى خاااصة ما ننساش الحديث ده

منتعارمنالليلفقال : لا إله إلا الله وحده لا شريك له ، له الملك وله الحمد ، وهو علىكل شيء قدير ، الحمد لله ، وسبحان الله ، ولا إله إلا الله ، والله أكبر ،ولا حول ولا قوة إلا بالله ، ثم قال : اللهم اغفر لي ، أو دعا ، استجيب له ،فإن توضأ وصلى قبلت صلاته .
الراوي: عبادة بن الصامتالمحدث: البخاري - المصدر: صحيح البخاري - الصفحة أو الرقم: 1154
خلاصة حكم المحدث:[صحيح]


   

... من 2.5 إلى 3.5...
هنحضر السحور ونتسحر مع العائلة )

عايزين نحتسب بقى في تحضير السحور
بروالدين .. واحسان ..
ونحتسب ان يكون صايمهم في ميزان حسناتنا لاننا حضرنا لهم السحور اللى بيقويهم على الصيام

اما وجبة السحور نفسها نحتسب فيها
تسحروا فإن السحو بركة
وان الله وملائكته يصلون على المتسحرين
ومخالفة أهل الكتاب لانهم مش عندهم وجبة او حاجة اسمها سحور اصلا .


   


...من 3.5 إلى 4...
صلاة الفجر
وززى ما قولنا على الحاجات بتاعت وقت الصلاة ما ننسهاش بقى في كل صلاة
سواء سنن او سواك او دعاء او انتظار الصلاة

وياريت لو نقدر نصلى الفجر في جماعة في البيت مع والدتك... اختك ..
اى حد.. المهم جماعة .. عشان لما نجلس الجلسة الجاية .

ولو منفعش خااالص خلاص .. ربنا يأجرك بنيتك .

  



... من 4 إلى 6...  
جلسة الشروق
هقول فيها أذكار الصباح
وأهم حاجة تكون صحيحة

ممكن نقراها من كتاب حصن المسلم او مختصر 


ماننساش كمان نذكر الله عامة بعد اذاكار الصباح
التسبيح والتحميد والتهليل والتكبير والاستغفار

وبعد ذلك نخصص الوقت المتبقى لحد الشروق
في اننا نقرأ جزء قرآآن بالتدبر

وهنا معناه مش اننا هنقرأ تفسير لا
لكن لما نقرا بتركيز .. ولما نمر على آية رحمة نسال الله وايه عذاب نستعيذ ولو آية تسبيح نسبح وهكذا

وياريت لو كمان نكتب القيم القرآآنية التى اثرت فينا والاوامر الربانية

ولو عملنا كده يبقى يادوب الوقت وهتلاقى الشروق خلاص

وتصلى بعدها ركعتين باحتساب اجر حجة وعمرة تامة .

   


... من 6 إلى 10...
أو من 6 – 9

نـــوم

كل واحد حسب مقدرته بقى : )))

  

... من 9 إلى 12 ...  

-- صلاة الضحى (( عندك من ركعتين لحد 12 ركعة ))
وما ننساش فاسجد واقترب

-- وممكن بعد الصلاة تقرأى قرآن أوتنظيفى البيت .

   


... من 12 إلى 1...  
صلاة الظهر

اااه ساعة .. عشان سنة الظهر القبلية 4 والبعدية 4 واذكار بعد الصلاة
ف يدوبك تخلصى في ساعة .

   

... من 1- إلى 4 الا ربع...  
الوقت المفتوح

قراءة قرآآن ... نوم قيلولة ... تنظيف البيت ..

وانتِ بتنظفى البيت يااريت لو تسمعى شريط جزء قرآآن
فهكون ممشية ختمة قرآآن بالسماع كمان بإذن الله

على فكرة الجزء ممكن ياخد اقل من ساعة
لو سمعت ماهر المعيقلى مثلا او أحمد العجمى ,,

عشان كمان توفرى وقت تانى تسمعى فيه درس لاحد الشيوخ .. 
درس يقويكِ ويعلى همتك في رمضان او يفيدك فقهيا



   



... من 4الاربع إلى 5...
صلاة العصر

هنصلى قبلها 4 ركعات بنية ان ربنا يرحمنا
وبعد الصلاة هقول اذكار الصلاة واذكار المساء

وتكملى قراءة القرآآن

   


...من 5 إلى 7...  
هتدخلى المطبخ

يانهار ابيض ليه وهو انا كل ده لسه ما دخلتهوش ؟؟؟ 
اااه لسه 
بصى بقى احنا اصلا فينا طبع غريب اننا لما بنكون مزنوقين في الوقت بننجز اوووى على فكرة

فخليكِ كده انك هتدخلى المطبخ في الساعتين دول بس

هما اكيد هيقلوا مع الوقت وهتدخلى من 4 ونصف مثلا لان المغرب بيقل

عارفة انِت ممكن تجهزى حاجات بسيطة في الوقت بتاع تنظيف البيت الاولانى 
(( اللى قولنا عليه من شويتيتن ))

لو حاجة بتتقطع او تتنظف في الاكل زى السمك او كده

لكــن غير كده ما انصحكيش تعملى الاكل من الظهر

فيه ناس (( مش انا )) ستات بيوت وبيقولوا الوقت بيكفى معاهم في الساعتين دول

رحت انا نفسي جربت قبل كده مرة انى جهزت بعض الحاجات ودخلت المطبخ في الوقت ده والحمد لله كفى ... يااادوب

واحتسبي احتسبي احتسبي
افطار صائم .. ادخال سرور على قلب مسلم ..

ماشي ياستى يادوووب يادوووب

المهم انه هيخلص ما تقلقيش

قبل المغرب بربع ساااااعة
الدعاء الدعاااء

وانتِ بتعملى الاكل لو لسه ما خلصتييش حتى ..

ادعى على قد ما تقدرى لنفسك وللمسلمين

   


... من 7 إلى 8 الا ربع مثلا ...
صلاة المغرب والافطار

ياريت لو نعمل زى السنة ونصلى الاول .. نفطر على بلح او ماء بسرعة
وبعدين نصلى .. وبعدين نفطر

(( بصي بقى ما تتقليش في الفطار عشان تصلى التراويح كويس))

بين المغرب والعشاء ممكن تصلى صلاة
ليس لها عدد معين .. وقيل اسمها الاوابين


معلش والله عشان الوقت ملحقتش الخصهم

   

... من 8 إلى 11 مساء ً...  
صلاة العشاء والتراويح

لو حد بيصلى بجزء
يادوب بعد ما يروح يلحق يقعد نص ساعة ويروح ينام

اما لو مش بيصلى بجزء
ممكن بعد ما يرجع من الصلاة
يعمل حاجة في البيت او لو فيه صلة رحم او يقرأ قرآآن .

وكده اليوم خلص .





منقوووووووووول